Беларусы заснавалі анлайн-кінатэатр VODBLISK

Пляцоўка, дзе можна пазнаёміцца з сучаснымі незалежнымі фільмамі, створанымі беларусамі

Арганізатары кінатэатру — беларуская рэжысерка Воля Чайкоўская з камандай кінафэсту «Паўночнае ззянне».

«Наша мэта — сабраць беларускае кіно ў адным месцы, каб любы беларус ці замежнік змог даведацца больш пра наш кінематограф усяго ў пару клікаў» — кажуць заснавальнікі.

Як глядзець фільмы на платформе VODBLISK?

Трэба зарэгістравацца на сайце кінатэатра, выбраць упадабаны фільм ды купіць* да яго доступ (за 30 дзён можна паглядзець фільм любую колькасць разоў). Далей — прайсці рэгістрацыю і аплаціць доступ да стужкі.

Фільмы будуць дадавацца на платформу штомесяц. Доступ да любога фільма каштуе 5 $ і выдаецца на 30 дзён.

*Для гледачоў, якія знаходзяцца на тэрыторыі Беларусі, VODBLISK у 2023 годзе будзе бясплатны.

Першы фільм — ужо з 1 сакавіка!

Першая стужка на платформе — «Мая бабуля з Марса» Аляксандра Міхалковіча — стане даступнай у любым пункце планеты ўжо 1 сакавіка.

«Мая бабуля Зіна жыла ва Украіне, Расіі, Беларусі, а пасля таго, як выйшла на пенсію, пераехала ў Крым. Яна поўная сіл, любіць камандаваць і заўсёды яднала нашу вялікую сям’ю. Але пасля геапалітычных змен ва Украіне ездзіць да яе стала значна складаней. На яе васьмідзесяцігоддзе збіраецца ўся сям’я — і дапамагае ёй прыняць няпростыя рэчы» — кажа Аляксандр Міхалковіч, рэжысер дакументалкі.

Изображения в статье: Unsplash (Annie Spratt)

Матэрыялы па тэме: