Каманда дзетак-беларусаў з Вроцлава ўпершыню ўдзельнічала ў конкурсе Адысея Розуму

Адысейшчыкі працуюць у камандах, якія прадстаўляюць школы і адукацыйныя пляцоўкі. Яны складаюцца з 5-7 чалавек. Кожная каманда працуе пад кіраўніцтвам кваліфікаванага трэнера, які аб’ядноўвае каманду, арганізуе і мадэруе яе працу, але не прапануе і не навязвае свае ідэі дзецям.

Восенню кожнага году публікуюцца пяць праблем. Каманда выбірае адну з іх і некалькі месяцаў самастойна распрацоўвае, рыхтуе і дапрацоўвае яе рашэнне. Удзельнікі рашаюць, як аб’яднаць найлепшыя свае ідэі ў 8-хвіліннае прадстаўленне, якое яны запрэзентуюць суддзям і публічнасці.

Апроч таго, падчас конкурсу каманда мусіць рашыць унікальную нечаканую задачу, змест якой невядомы да апошняй хвіліны і на рашэнне якой каманда мае ўсяго некалькі мінут. Каманды канкуруюць паміж сабой у межах выбранай праблемы, раздзеленай на чатыры ўзроставыя групы.

У гэтым годзе конкурс праходзіў у Гдыні 6-7 красавіка 2024 г.

Дзеці мелі заданне самастойна запраектаваць і збудаваць структуру з самага лёгкага ў свеце дрэва - бальсы, і накладваць на яе грузы. Канструкцыя каманды вытрымала 45 кг. Апроч таго каманда напісала захапляльны сцэнарый да спектакля, дзея якога адбываецца ў Космасе. Нястомныя навукоўцы адпраўляюцца ў Космас і знаходзяць таямнічую Постаць, якая ўвасабляе канструкцыю з дрэва бальсы, на якую накладваюць груз.

Падрыхтоўка да конкурсу патрыбавала шмат часу і сіл — цягам пяці месяцаў дзеці штотыдзень займался па 2-4 гадзіны.