Мы падрыхтавалі кароткія практычныя рэкамендацыі з праўным абгрунтаваннем і скіруем іх банкам з просьбай улічваць іх у працы з беларускімі кліентамі. У іх мы тлумачым, як улічваць TZTC і PDPC, абслугоўваць уласнікаў віз D, пацвярджаць легальнасць знаходжання ў час чакання ці замены карты побыту і ацаняць сітуацыю ўцекачоў і асобаў з дадатковай абаронай, у якіх скончыўся тэрмін дзеяння самага дакумента, але захоўваецца права на легальнае знаходжанне.

Мы прапануем павялічыць тэрмін дзеянні польскага праязнога дакумента для замежніка, наўпрост замацаваць яго функцыю пацверджання асобы і зрабіць адмысловую працэдуру яго атрымання сталай для беларусаў. Адначасова з гэтым мы дамагаемся прывядзення польскага дзяржрэгулявання ў адпаведнасць з вымогамі права ЕЗ, у прыватнасці з Рэгламентам Е З 2024/1347, які ўжо ад чэрвеня гэтага года патрабуе выдачы праязнога дакумента для людзей з дадатковай абаронай тэрмінам больш, чым на год. Пры гэтым мы будзем настойваць на увядзенні аналагічнай меры ў польскім нарматыўным парадку для ўсіх патэнцыйных уладальнікаў праязнога дакумента.

Дамагаемся скасавання art. 100d і вяртанні звычайных тэрмінаў разгляду спраў пра легалізацыю знаходжання, а таксама паўнавартай абароны ад нячыннасці і зацягвання спраў з боку адміністрацыі.

Каб заняцца ўласнай сітуацыяй — не трэба чакаць змены закона. Мы дапаможам разабрацца ў адказе банка ці дзяржаўнай установы, падрыхтаваць скаргу, заяву ці абскарджанне. Пры наяўнасці падстаў - падрыхтавацца і да судовага аспрэчвання. Кансультацыі і дапамога са зваротамі дармовыя: гэта грамадская праца.
Вам не трэба прыходзіць з гатовай скаргай. Дастаткова апісаць, што адбылося.

Калі ў вас дадатковая абарона і PDPC выдадзены толькі на год, мы можам дапамагчы аспрэчыць гэты развязак — ад звароту ва ужонд да WSA і, пры наяўнасці падстаў, NSA.

Рэгламент ЕЗ 2024/1347 з 12 чэрвеня 2026 года прадугледжвае для гэтай катэгорыі праязны дакумент тэрмінам больш за адзін год і наўпрост ужываецца ў Польшчы.