Якія ёсць настольныя гульні на беларускай мове?

«Паўтары гады работы. Адчай і роспач. Радасць і надзея. Неразуменне і апантанасць. Але мы гэта зрабілі. Нават калі проста застанецца марай. Але такой прыгожай! Ведайце Беларусь і яе гісторыю, прыроду, літаратуру, мову і культуру. Так файна дыхаць пахам друкаванай паперы і адчуваць слова „УСЁ“. Хоць гэта слова і шматзначнае» — піша пра гульню стваральніца Людміла Крылова.

З гульні можна шмат даведацца і пра беларускую літаратуру, і пра мастацтва і гісторыю. Наогул, гульней можна натхніцца і яшчэ больш любіць нашу Беларусь.

Уявіце, што межы часу сцерліся, і выбітныя беларусы розных часоў апынуліся ў ХХІ стагоддзі. Што яны ўбачылі і як адрэагавалі? Як прымянілі свой талент і раскрылі свой характар?

У настольнай гульні «Тутэйшыя» вам давядзецца ў ролі знакамітага беларуса адказваць на каверзныя пытанні і адначасова спрабаваць вылічыць, хто з гульцоў з’яўляецца вашым двайніком. У гульні вы сустрэнеце 50 выбітных беларусаў розных часоў, і зможаце пабыць у ролі кожнага.

А гэта гульня пра нашу з вамі любімую беларускую мову!

«Мы, беларусы, цяпер знаходзімся ў самых розных кутках свету, але нас яднае наша мова. Давайце ўсё разам пагаворым адзін з адным па-беларуску» — пішуць стваральнікі гульні на сваім сайце.

Гэта дзіцячая гульня, але яна вельмі добра і падыходзіць і для дарослых, асабліва для тых, хто толькі пачаў размаўляць на беларускай мове. «Шпаркі смоўж» — гэта гульня з карыснага праекту «Скарбонка гульняў». Гэта гульні, якія дапамогуць вывучыць родную мову без нуды і прымусу. Акрамя гэтага, яны навучаць вашых дзетак чытаць і паспрыяюць развіццю ўвагі і кемлівасці.

Ажно 100 каляровых картак з рознымі словамі, а гуляць можно і аднаму, і ўдваіх, і ўтраіх. Вам трэба будзе і знаходзіць літары, адгадваць і прыдумляць словы хутчэй вашых супернікаў. Карацей, той яшчэ мазгавы штурм.