Праект паправак пра польскі падарожны дакумент для замежніка

ПАДТРЫМАЦЬ ПЕТЫЦЫЮ ПРА PDPC

БЯСПЕЧНА ПАВЕДАМІЦЬ ПРА ПРАБЛЕМУ

У чым праблема?

Калі сканчаецца пашпарт ці польскі падарожны дакумент, а справа аб побыце цягнецца месяцамі, цяжэй становіцца планаваць паездку, працу і карыстацца банкаўскімі паслугамі. Праблемы звязаныя ў штодзённым жыцці, але вырашаюцца па розных правілах. Таму мы пачынаем з канкрэтнага праекта паправак пра польскі падарожны дакумент для замежніка (PDPC). Паралельна хочам збіраць пацверджаныя выпадкі банкаўскіх цяжкасцяў і затрымак у справах побыту.

Што мы прапануем змяніць у правілах PDPC?

Стабільны доступ

Спецыяльная працэдура для грамадзян Беларусі цяпер дзейнічае да 31 снежня 2026 года. Прапануем прыбраць з закона патрабаванне кожны раз вызначаць апошнюю дату падачы. Міністр захавае права вызначаць грамадзянствы, якія ахоплівае працэдура, і змяняць гэты пералік, калі зменяцца абставіны.
Выразная ідэнтыфікацыйная функцыя

Прапануем запісаць у арт. 253(1), што сапраўдны PDPC пацвярджае асобу чалавека падчас знаходжання ў Польшчы. Гэта прапанова папраўкі: цяпер гэты артыкул апісвае права шматразова перасякаць мяжу.
Тры гады дзеяння

Цяпер PDPC выдаецца на адзін год. Мы прапануем тры гады для ўсіх, хто мае права на гэты дакумент. Асобна норма ЕС патрабуе тэрміну больш за год для названых у арт. 25 людзей з дадатковай абаронай, якім немагчыма атрымаць або аднавіць нацыянальны пашпарт, з агаворкамі самой нормы. Яна не дае ўсім атрымальнікам PDPC права на тры гады.
Новая заява загадзя

Звернемся да MSWiA, UdSC і ваявод з патрабаваннем адзінай практыкі: прымаць заяву на наступны PDPC да заканчэння папярэдняга, калі чалавек выконвае ўмовы закона. Гэта асобнае адміністрацыйнае патрабаванне. Падача новай заявы сама па сабе не падаўжае дзеяння старога дакумента.

Выдача PDPC залежыць ад індывідуальных умоў. Падарожны дакумент сам па сабе не дае дазволу на побыт.

Калі ўзнікла праблема з банкам

Банк не прыняў часовае пасведчанне асобы замежніка (TZTC), не ўлічыў PDPC або абмежаваў паслугі пасля заканчэння пашпарта? Для разбору важна адрозніць адмову адкрыць рахунак, прыпыненне аперацыі, адключэнне анлайн доступу і адмову выдаць новую картку.

UKNF пацвердзіў, што сапраўднае TZTC трэба ўлічваць як дакумент асобы пры банкаўскай праверцы. Банк таксама абавязаны правесці індывідуальную AML-ацэнку. Асобныя санкцыйныя правілы ЕС могуць уплываць на выдачу ці перавыпуск плацежнай карткі, але не патрабуюць аўтаматычна закрываць рахунак. Мы не абяцаем, што аднаго дакумента будзе дастаткова для рахунку або карткі.

РАСПАВЕСЦІ ПРА БАНКАЎСКІ ВЫПАДАК

Калі ёсць пісьмовы адказ банка, захавайце яго. Не дасылайце сканы пасведчанняў асобы праз адкрытыя формы ці агульныя чаты.

Калі чакаеце дазволу або карты побыту

Запішыце дату падачы заявы, дату рашэння і дату атрымання карты — калі адпаведны этап ужо наступіў. Пазначце ваяводства і від справы. Гэтыя этапы трэба вымяраць асобна. Тэрмін рашэння не заўсёды лічыцца ад першага кантакту з установай: маюць значэнне паўната заявы і правілы адліку. Арт. 100d прыпыняе адлік тэрмінаў у вызначаных справах ваяводы да 4 сакавіка 2027 года. Наступствы для вашай справы лепш праверыць асобна.

У сенатскую Камісію па петыцыях ужо скіравалі петыцыю P11-194/26 пра арт. 100d. Мы хочам дадаць у дыскусію выпадкі беларусаў і дамагацца, каб кожнае ваяводства асобна публікавала час прыёму заявы, прыняцця рашэння і выдачы карты.

ПАВЕДАМІЦЬ ПРА ЧАС ЧАКАННЯ

Як далучыцца?

Падтрымайце праект петыцыі пра PDPC
Бяспечна апішыце свой выпадак. Дастаткова пазначыць праблему, ваяводства, прыблізныя даты і спосаб сувязі, калі вы хочаце адказ. Сваю гісторыю можна падаць без публічнага імя; апублікуем гісторыю толькі з асобнай згодай
Запішыцеся на кансультацыю, калі патрэбна разабрацца ў рашэнні ўстановы, адказе банка або дакументах сям’і. Не пакідайце ў адкрытых каментарах нумар справы, адрас ці звесткі дзяцей.

Кароткія адказы

Ці вырашыць подпіс маю асабістую справу?

Подпіс падтрымлівае патрабаванне змяніць правілы. Ён не замяняе заяву ў ваяводства, банкаўскую рэкламацыю, абскарджванне або індывідуальную юрыдычную дапамогу.

Ці дае PDPC гарантыю рахунку або новай карткі?

Не. Дакумент важны для пацвярджэння асобы, але банк правярае і іншыя звесткі, AML-умовы і магчымыя санкцыйныя абмежаванні. Калі не выдаюць новую картку, папрасіце пісьмова назваць падставу: AML, санкцыя або ўмовы прадукту.

Ці будзе мой выпадак публічны?

Не, без асобнай згоды. Можна падаць ананімнае апісанне. Афіцыйныя падаўцы петыцыі паведамляюць свае даныя органу. публікацыя іх імёнаў на сайце ўстановы залежыць ад закона і згоды. Таму форма гісторыяў не з’яўляецца спісам афіцыйных падаўцоў.

Ці есць падобныя кампаніі па дакументах беларусаў?

Так. Amnesty International Polska вядзе сваю асобную акцыю. Наш праект прапануе дакладныя тэксты паправак і асобнае патрабаванне пра падачу заявы загадзя на наступны PDPC.

Падпішыся на нашыя сацсеткі, каб атрымліваць больш карыснай інфармацыі для беларускай дыяспары

Збор подпісаў за праект паправак пра польскі падарожны дакумент для замежніка (PDPC)

Увага! Запаўняйце форму на лацінцы!

*Націскаючы на кнопку, я даю згоду на апрацоўку маіх персанальных дадзеных для рэгістрацыі майго голасу ў зборы подпісаў у адпаведнасці з Рэгламентам (ЕЗ) 2016/679 Еўрапейскага парламента і Рады ад 27 красавіка 2016 г. пра абарону фізічных асоб у дачыненні да апрацоўкі персанальных дадзеных і вольнага струменя такіх дадзеных, а таксама скасаванні Дырэктывы 95/46 / EC (RODO).