PESEL і NIP для замежнікаў

NIP (numer Identyfikacji Podatkowej) — падатковы ідэнтыфікатар. Без гэтага нумара бізнес не можа лічыцца афіцыйным у Польшчы. NIP патрэбен індывідуальным прадпрымальнікам, юрыдычным асобам або арганізацыям, якія з’яўляюцца падаткаплацельшчыкамі, для аплаты падаткаў і збораў.

*PESEL — ідэнтыфікатар падаткаплацельшчыкаў, якія не вядуць бізнес, не плацяць ПДВ (VAT).

Каб атрымаць нумар Pesel дастаткова мець прапіску. Яшчэ пры замельдаванні (працэсе рэгістрацыі, прапіскі) ва ўжонд па месцы жыхарства можна падаць бланк на атрыманне нумара PESEL і пашпарт з візай. Пры адсутнасці магчымасці атрымаць прапіску ў арандаванай кватэры, нумар можна атрымаць падаўшы ва ўжонд працоўны дагавор, пасведчанне аб нараджэнні і шлюбе (з перакладам), пашпарт з візай і сама заява на атрыманне гэтага нумара.

Калі вам трэба атрымаць нумар без падстаў (такая магчымасць ёсць з 2021 года), то ў раздзел № 7 бланка трэба ўпісаць наступную фразу:
"Do celów podatkowych, zgodnie z art. 3 ust. 1 pkt 1 ustawy o zasadach ewidencji i identyfikacji podatników i płatników (Dz. U. z 2020 r. poz. 170, z późn. zm.), w związku z art. 7 ust. 2 i w zakresie określonym w art. 9 ust. 4 ustawy o ewidencji ludności (Dz. U. z 2021 r. poz. 510)".

Працэдура атрымання нумара бясплатная, афармляецца ён за некалькі хвілін. Вам выдадуць пацвярджаючы яго дакумент. Даведацца нумар можна і анлайн на сайце obywatel.gov.pl.

Нумар NIP афармляецца яшчэ пры рэгістрацыі дзейнасці. Трэба запоўніць заяву, падаць пашпарт з візай (або ВНЖ), а таксама дадзеныя, якія вы пісалі ў заяве (банкаўскія рахункі і г. д.). Дакументы падаюцца ва ўжонд па месцы жыхарства (для фізічных асоб) або па месцы рэгістрацыі офіса (для юрыдычных асоб).

Больш падрабязна пра запаўненне формы можна прачытаць па спасылцы.

На прысваенне нумара NIP патрэбна 2−4 тыдня. Працэдура бясплатная, а вось афармленне пасведчання — 21 зл. Нумар можна даведацца ў падатковай службе пры асабістым звароце з пашпартам.