Аналагі вядомых лекаў у Польшчы

Звыклы парацэтамол можна замяніць польскімі APAP (таблеткі для дарослых), суспензіяй Panadol (яе можна даваць дзецям з трох месяцаў) і грануламі Junior (іх можна з чатырох гадоў).

Ібупрафен у Польшчы можна знайсці на палках з назвай Ibum 200 mg і Ibum Forte 400 mg (звярніце ўвагу, што іх можна з 12 гадоў), таксама прадаецца суспензія з трох месяцаў Nurofen forte, пад той жа назвай есць і свечкі.

Калі вам патрэбныя судзіназвужальныя кроплі для носа, то ў польскіх аптэках яны завуцца: Otrivin, Xylometazolin, Nasivin. Фармацэўт можа спытаць век пацыента і падабраць кроплі пад яго.

Усім вядомы беларусам актываваны вугаль можна набыць у Польшчы таксама, толькі завецца ён Carbo Medicinalis. Таксама ў вольным доступе ёсць парашок Смекта (Smecta), лаперамід (Laremid) і эспумизан (Espumisan). Калі вам жа патрэбна слабільнае, то піколакс заменіць вам Pikopil.

Супрацьалергічныя сродкі ў выглядзе кларытыну прадаюцца як Claritine Allergy, а вось цэтріну аналагам з’яўляецца Zyrtec UCB.

Існуе міф, што ў Польшчы няма перакісу вадароду. Гэта не так, у аптэках яго можна набыць, называецца Woda utleniona 3%.

Ад малочніцы выратуе аналаг катрімазола ў крэме — Clotidal.

Знайсці аналагі лекаў можна праз адмысловы сайт-агрэгатар — https://immigration.pl/lekarstva. У пошукавіку досыць увесці, што вы шукаеце і сайт падбярэ па дзейным рэчыве вам лекі.

Калі вы прымаеце рэцэптурныя лекі, вы можаце выпісаць самі сабе па вашым нумары Pesel рэцэпт. За гэта давядзецца заплаціць.

Каб выпісаць рэцэпт, трэба зарэгістравацца на сайце https://receptomat.online, запоўніць свае дадзеныя, выбраць патрэбны прэпарат і адказаць на ўсе пытанні ў адмысловым апытальніку на польскай.

Важна памянуць, што вы хадзілі да лекара і апісаць яго рэкамендацыі, пры наяўнасці пацверджання, прыкласці іх у апытальніку. Запыт апрацоўваецца хутка. Калі вам адмовяць у рэцэпце, грошы вяртаюць на рахунак адразу ж.