«Калі не дапамагчы актывістам, яны не змогуць дапамагаць тым, хто мае ў гэтым патрэбу»

Аляксандра падчас працы над даследваннем займалася дызайнам, вёрсткай, менеджментам, а таксама праводзіла рэтрыт як псіхалагіня ў Грузіі. Арыша займалася апытаннямі, разам з сацыялагіняй апрацоўвала вынікі, а таксама праводзіла цялесныя і дыхальныя практыкі.

У апытанні прынялі ўдзел 63 актывіст_кі. Атрыманыя дадзеныя досыць трывожныя: больш за траціну рэспандэнт_ак ацэньваюць свой псіхалагічны стан як блізкі да вельмі незадавальняючага.

Саша і Арыша сустрэліся на трэнінгу для трэнераў нефармальнай адукацыі. Яны патрапілі туды з розных праектаў. Воляю лёсаў іх засялілі ў адзін нумар. У першы дзень падчас знаёмства ўсе актывісты казалі, што яны вельмі стаміліся. Гэта быў травень 2022. Год з таго моманту, як большасць арганізацый была вымушаная з’ехаць з Беларусі.
У той момант Саша вучылася на гештальт-тэрапеўтку, а Арыша — на выкладчыцу ёгі.

«Які дызайн, які маркетынг?!» — прагучала ў галавах дзяўчын.

У той момант, распавядае Арыша, нарадзілася ідэя неяк дапамагчы актывіст_кам. Бо калі не дапамагчы ім, то яны не змогуць дапамагаць тым, каму гэта вельмі патрэбна. Параіўшыся з калегамі, аформіўшы ўсё ў праект, дзяўчаты вырашылі правесці даследаванне, каб мець доказы стану беларускіх актывіст_ак.

Аляксандра ўзгадвае, што для яе вырашальным момантам стала сустрэча з донарамі на форуме «All inclusive»:

Пры прэзентацыі ўлічваліся меркаванні донараў. Погляды на крытычнасць сітуацыі былі аднолькавымі.

Інсайты: пры напісанні праектаў варта ўказваць добрыя ўмовы для супрацоўнікаў і магчымасць адпачынку, а не працаваць да выгарання (P.S. донары не супраць).

Вынікі гэтага даследавання можна дасылаць разам з праектамі, каб абгрунтаваць умовы, якія вы там прапісваеце: заробак, адпачынак, рэтрыты, групы псіхалагічнай падтрымкі і г. д.

А напрыканцы парады ад дзяўчат:

• беражыце сябе
• вучыцеся адпачываць
• шукайце падтрымку і падтрымлівайце адзін аднаго