«Аб Беларусі з вечнымі каштоўнасцямі!»

Беларускі мерч ад крамы Ciesna Brama

Рэдакцыя Lixtar’a паразмаўляла з Арцёмам Бабоўнікавым — мастаком, ілюстратарам, аматарам беларускай гісторыі і стваральнікам крамы «Сiesna Brama».

Настольныя гульні на беларускай мове

Карысная падборка

Дзе ўзяць кнігі на беларускай ці рускай мовах за мяжой

Зрабілі падборку інтэрнэт-крам, кнігарняў і бібліятэк

«Ідэя стварыць уласны мерч з’явілася напэўна каля 5 гадоў таму. Тады мы рабілі ілюстрацыі і прынты, якія проста распаўсюджвалі праз беларускія паблікі і анлайн краму. Нарэшце, вясной гэтага году мы сабралі ўсе свае напрацоўкі пад назвай Ciesna Brama. Галоўнай задачай нашага праекта — зрабіць свой унёсак у разнастайнасць сферы беларускіх ілюстрацый і прынтоў. Праз нашую творчасць мы паказваем вартасць хрысціянскіх каштоўнасцяў у духоўным і культурным адраджэнні Беларусі. Трэба адзначыць, што стварыць праект дапамагалі людзі розных светапоглядаў, але аб’яднаныя мэтай свабоды ў нашай краіне» — распавядае Арцём.

Ілюстрацыямі і дызайнам займаецца сам аўтар праекта: «На сённяшні дзень у нас каля 15 арыгінальных прынтоў. У бліжэйшыя часы будуць прадстаўлены новыя прынты і ілюстрацыі. А таксама хутка вялікія распродажы і падарункі на Раство! Аб Беларусі з вечнымі каштоўнасцямі!».

«Наш праект пэўна нельга назваць цалкам справай бізнесу. Бо мы робім гэтую справу не столькі дзеля прыбытку, колькі для распаўсюджвання нашых ідэй. Вядома прыбытак і добрыя продажы адпаведна спрыяюць развіццю праекта, але трэба быць гатовым і да таго, што прыбыткаў можа і не быць. І трэба шукаць іншыя спосабы развіцця. Але галоўнае гэта працягваць і рабіць тое што любіш і да чаго пакліканы» – дзеліцца з рэдакцыяй Арцём.

Крама працуе праз Інстаграм (там ёсць магчымасць паглядзець цішоткі і арты, а напісаўшы ў дырэкт можна зрабіць замову) прадстаўлена на прынт-шоп сэрвісу Redbubble.

Выявы ў артыкуле і на вокладцы: Ciesna Brama

Матэрыялы па тэме: