Lixtar.media
Медыя, якое палягчае жыццё беларусаў за мяжой
Медыя, якое палягчае жыццё беларусаў за мяжой
Lixtar.media
Медыя, якое палягчае жыццё беларусаў за мяжой
Медыя, якое палягчае жыццё беларусаў за мяжой
«На заняткі можа прыйсці кожны і кожная, нават проста паслухаць, не абавязкова спяваць»
Беларускія этнаспевы разам з гуртом Лялея
Lixtar паразмаўляў з Насцяй Хмель, этнаспявачкай, музыкай, кампазітаркай і вакальнай трэнеркай, заснавальніцай гурта «Лялея».
“
«Я ўдзельнічала і ўдзельнічаю ўсё жыццё ў розных музычных праектах, па большай частцы гэта звязана з этнамузыкай, гэта звязана з маёй вучобай і маімі інтарэсамі» — дзеліцца Насця.
Яна прыехала ў Кракаў 2,5 гады таму. Пры эміграцыі шмат людзей мае жаданне займацца нечым такім, што дасць беларускай тэме атрымаць сваё новае жыццё.
Насця кажа, што стварыць аматарскі гурток было вельмі натуральным крокам: «Нам вельмі дапамог Цэнтр феміністычнай салідарнасці, яны далі нам магчымасць працаваць у класным памяшканні. Мы тут ужо два гады».
Насця кажа, што стварыць аматарскі гурток было вельмі натуральным крокам: «Нам вельмі дапамог Цэнтр феміністычнай салідарнасці, яны далі нам магчымасць працаваць у класным памяшканні. Мы тут ужо два гады».
Насцяй Хмель
Здымак з асабістых сацсетак
Каб сабраць людзей давалі абвестку ў кракаўскай дыяспары, запрашалі на заняткі этнамузыкай. Прыходзіла каля 10 асоб. Усе былі вельмі розныя: узрост, пол, наяўнасць досведу.
«У нас не было абмежаванняў. Мы рабілі гэта разам»
Першы выступ быў на каляды. Гурт проста пайшоў па каляндарным коле.
“
«Так здарылася, што хлопцы, якія да нас хадзілі, кудысьці зніклі і склаўся выключна жаночы калектыў, — смяецца арганізатарка. — Гэта зусім іншая энергетыка, але нас усіх усё задавальняе. На апошнім выступе было 15 чалавек. Ёсць яшчэ тыя, хто далучаецца.
На заняткі можа прыйсці кожны і кожная, нават проста паслухаць, не абавязкова спяваць. Мы запрашаем і сваякоў, і гасцей. Да нас завітвала шмат людзей, якія і спявалі, і нешта цікавае распавядалі».
На заняткі можа прыйсці кожны і кожная, нават проста паслухаць, не абавязкова спяваць. Мы запрашаем і сваякоў, і гасцей. Да нас завітвала шмат людзей, якія і спявалі, і нешта цікавае распавядалі».
Вячоркі, каляды, вяснянкі
Гурт пачаў удзельнічаць у культурніцкім жыцці вельмі амбітнай кракаўскай дыяспары, якая ладзіць розныя мерапрыемствы, адзначае святы.
“
«Мы пачалі на іх выступаць. Рабілі свае асобныя вячоркі, дзе вучылі людзей спяваць калядкі ці вяснянкі. Два гады ўжо робім гуканне вясны. Гэта open air мерапрыемства, якое мы ладзім нягледзячы на надвор’е».
Сёлета дзякуючы падтрымцы GOETHE INSTITUT, KROK, FREE BELARUS CENTER, FUNDACJA AUTONIMIA гурт «Лялея» запісаў 9 вяснянак і запусціў іх перад гуканнем на ютубе, каб усе, хто хоча навучыліся загадзя спяваць. Спевы суправаджаюцца пяшчотнай анімацыяй, субтытрамі.
“
«Адбылося гуканне. Мы адпачываем і рыхтуемся да наступных святаў, імпрэзаў (нават не беларускіх). Напрыклад, нас запрасілі на лекцыю пра бунт у музыцы» — распавядае Насця.
Кажучы пра зніклых мужчын і жаночы калектыў варта ўзгадаць пра «тэрапеўтычны» кірунак:
«Напрыклад, на Купалле мы нашым жаночым колам рабілі такі рэтрыт, практыкі і проста цудоўна правялі разам час. Каля польска-нямецкай мяжы мы знайшлі знаёмых з замкам. Можа атрымаецца там нешта арганізаваць».
«Напрыклад, на Купалле мы нашым жаночым колам рабілі такі рэтрыт, практыкі і проста цудоўна правялі разам час. Каля польска-нямецкай мяжы мы знайшлі знаёмых з замкам. Можа атрымаецца там нешта арганізаваць».
Выявы на вокладцы і ў артыкуле: Лялея
Матэрыялы па тэме: