«Я ўсё жыццё не магла знайсці класную гігіенічную памаду, прыйшлося зрабіць сваю»

Размова са стваральніцай беларускага брэнда касметыкі ў Польшчы

Lixtar паразмаўляў з Ленай, уладальніцай беларускага брэнда касметыкі LYN, каб даведацца пра ўвесь бэкграўнд стварэння бізнэса.

«Мая кераміка як гэты суп: нешта дзіўнае, спэцыфічнае, пра дзяцінства»

Гісторыя беларускай керамісткі, якая пераехала ў Польшчу

«Букеты як і адзенне: там таксама існуюць трэнды»

Гісторыя адкрыцця кветкавай крамы ў Варшаве

Ідэя

«Да з’яўлення касметыкі я працавала візажысткай, мне падабалася мая праца, але перыядычна я задумвалася аб сваім прызначэнні і інтуітыўна разумела, што мне патрэбен іншы маштаб. Падчас другой цяжарнасці сутыкнулася з праблемай сухасці скуры. Да гэтага, я не была фанатам догляда за целам. Адзінае, хадзіла ў лазню і мне падабалася скура, пасля ўсіх працэдур.

Але знайсці класныя прыдатныя сродкі для хатняга догляду не атрымлівалася, я скупляла шмат слоікаў (танных, дарагіх, модных, невядомых. Яны не працавалі. Зразумела, што калі я хачу дапамагчы сваёй скуры, павінна ў гэтым разабрацца сама. З гэтага і пачаўся мой шлях вывучэння алеяў, іх уплыву на скуру" — дзеліцца з рэдакцыяй Лена.

Лена

Фота з уласнага архіву

Апытанне кліентаў і знаёмых паказала, што праблема са скурай ёсць амаль у кожнай. На рынку колькасці прадуктаў з кожным годам павялічваецца, а праблема не вырашаецца. Тут прыйшоў азарт, жаданне дапамагчы і зрабіць нешта зразумелае, але эфектыўнае для аднаўлення і догляду за скурай.

“

«У мяне быў невялікі ўласны бюджэт+дэкрэтныя, на гэтыя грошы я купіла першыя алеі, інгрэдыенты, зрабіла шмат тэстараў (каля 100−150 штук), раздала іх дзяўчынкам, якія ўдзельнічалі ў апытанні і на іх зваротнай сувязі сфармавала першыя прадукты. Было 4 скраба, батэр для цела, бальзам для рук і сухіх зон, бальзам для вуснаў» — распавядае стваральніца.

Склад каманды

“

«Для рэалізацыі першых прадуктаў, дызайнера, упакоўкі і этыкетак хапіла маіх грошай. Потым дапамагаў і падтрымліваў муж. Першапачаткова займалася ўсім я. Цяпер гэта ўжо сямейны бізнэс. Пачыналі мы ў Беларусі як рамеснікі, цяпер у Польшчы ў нас спулка» — піша Лена.

Асноўны склад каманды не змяніўся: Лена, Ян (яе муж) і Насця (дызайнер). Але дадаткова прыцягваюцца тэхнолагі, смм-спецыялісты, таргетолагі. Ян адказвае за бюракратыю, бюджэты, планы, усе юрыдычныя пытанні. Насця адказвае за нашы этыкеткі і айдэнтыку. Лена адказвае за ўсё астатняе: распрацоўку і выраб прадуктаў, маркетынг, кантэнт, сувязь з грамадскасцю.

“

«Самі ўжо не спраўляемся, у планах да лета ўзяць у каманду чалавека, які будзе адказваць за маркетынг і сацыяльныя сеткі, чалавека на вытворчасць і гандлёвага прадстаўніка» — каментуе Лена.

Планы

LYN ўжо 3 года, мы ўжо разумеем і ведаем чаго хочуць дзяўчыны. У бліжэйшы час у адбудзецца рэбрэндынг. Трохі зменіцца назва, знешні выгляд слоічкаў і этыкетак. Палепшыцца склад прадуктаў, з’явяцца новыя пазіцыі. У планах на гэты год зайсці ў крамы, сеткі, стаць вядомым і зразумелым брэндам.

Выпуск прадукцыі

“

«Прадукты прыдумляюць не ад моды, а для вырашэння праблем. Напрыклад, я ўсё жыццё не магла знайсці класную гігіенічную памаду, прыйшлося зрабіць сваю» — смяецца Лена.

Усе прадукты адпраўляюцца на сертыфікацыю, пасля чаго брэнд можа іх далей рэалізоўваць. Касметыка не тэстуецца на жывёлах, упакоўка перапрацоўваецца. Гэта экалагічная, безадходная вытворчасць. Самае важнае, што яна бяспечная, натуральная і карысная.

“

«Пры стварэнні прадукцыі мне хацелася зрабіць яе не толькі карыснай і эфектыўнай, але і духмянай, стыльнай. Хацелася разарваць шаблон, што натуральная касметыка гэта пра жанчын у ільняных сукенках, без касметыкі. Таму ў сваіх вырабах мы выкарыстоўваем парфумаваныя кампазіцыі, якія маюць сертыфікат бяспекі IFRA. Гэтым мы хочам падкрэсліць прыгажосць і ўнікальнасць кожнай» — піша Лена.

“

«Вытворчасць адбываецца ў невялікім памяшканні, якое адпавядае ўсім еўрапейскім стандартам. Усё робім рукамі. Пастаўшчыкі ў нас з усяго свету, інгрыдыенты якасныя. Маніторым і выкарыстоўваем іх» — дадае Ян.

Выявы на вокладцы і ў артыкуле: LYN

Матэрыялы па тэме: