Настольная гульня, якая дапаможа вам лепш зразумець сябе і сваіх блізкіх

Пытанні, якія рэдка выпадае задаць сабе і якія вы ніколі не задавалі сваім знаёмым

Lixtar паразмаўляў з Кірылам Стаселька, стваральнікам новай настолкі на беларускай мове, каб даведацца пра ідэю і правілы гульні.

«Я ніколі не…» па-беларуску!

Беларуска стварыла папулярную па ўсім свеце настольную гульню на роднай мове

Настольныя гульні на беларускай мове

Карысная падборка

Настолка «52» — гэта гульня, якая складаецца з 52 картак. У іх сабраныя пытанні, якія рэдка выпадае задаць сабе і якія вы ніколі не задавалі сваім знаёмым. Сярод іх ёсць і этычныя дэлемы, і філасоўскія ды псіхалагічныя пытанні, і каштоўнасныя альтэрнатывы.

“

«І саму гульню, і дызайн распрацоўваў сам (нават з друкаркай, смм, лагістыкай і інш). Калі я ствараў гэту настолку, то матываваўся двума аспектамі: з аднаго боку, гэта той тэмп жыцця, які сёння ёсць, і жаданне часам запаволіцца і пры дапамозе нейкага інструмента парэфлексаваць, падумаць пра сябе і сваё жыццё. Штодзённа гэта не выпадае, а трэба нейкая нагода, якая падштурхне падумаць пра сябе. З іншага боку, і гэта тычыцца тых, хто быў вымушаны з’ехаць з Беларусі, гэта таксама пытанне стрэсу, якасці жыцця, задаволенасці сваім жыццём, далейшых перспектыў» — дзеліцца Кірыл.

У настолку можна граць аднаму, ды зрабіць свой унутраны свет і жыццё больш усвядомленымі. А можна граць з сябрамі, каб стаць з імі яшчэ бліжэй.

“

«Хацелася, каб гэта гульня, з аднаго боку, была асабістым інструментам, і таму ў яе можна гуляць аднаму, але таксама яна можа быць і для кампаніі, тады гэта — інструмент лепш пазнаёміцца з сябрамі, блізкімі. Гэта адбываецца на падставе больш глыбокіх рэчаў, якія не ўсплываюць у звычайных размовах, якія толькі адчуваюцца. Гэта пытанні, якія проста так не спытаеш. А дзякуючы гэтай гульне, яны дапамогуць зразумець увогуле каштоўнасці, мэты, сэнсы, і тое, на якім падмурку гэта ўсё знаходзіцца» — распавядае стваральнік гульні.

Набыць гульню можна афлайн у Літве і Польшчы. Анлайн — па ўсім свеце. Падрабязнасці тут.

Выявы ў артыкуле: Гульня «52»

Матэрыялы па тэме: